Futbollisti i Kosovës, Valon Berisha, është shumë afër transferimit në Lazio nga RB Salzburg.

Berisha i cili zhvilloi një super sezon me skuadrën austriake, është duke u kërkuar nga shumë skuadra evropiane.

25 vjeçari kishte ofertë serioze nga Sampdoria, por pas konsultimit me familjen e tij dhe agjentin, ai ka vendosur të refuzojë skuadrën italiane.

Por, si duket e ardhmja e tij do të jetë në futbollin italian, pasi që gjiganti romak, Lazio, me drejtorin sportive, Igli Tare, janë duke punuar intesivisht për ta transferuar mesfushorin Kosovar.

Sipas Sky Italia, Berisha është buzë kalimit në Lazio, pasi klubit nga kryeqyteti italian i është pranuar oferta prej 8 milionë euro.

Lazio tashmë ka arritur edhe marrëveshje në parim me mesfushorin, prandaj e gjitha që mbetet është të zgjidhen detajet e fundit të kontratës. /arbresh.info/